2017 წლისთვის განხორციელდება ზოგადი და უმაღლესი განათლების შესახებ კანონებში შესული ცვლილებები.
საუბარია მეცხრე მოწვევის პარლამენტის მიერ, განათლებისა და მეცნიერების კომიტეტის ინიციატივით მომზადებულ საკანონმდებლო ცვლილებებზე, რომელიც დეკემბერში, დაჩქარებული წესით განიხილეს და მიიღეს.
ერთ-ერთ ნოვაციას დისტანციური სწავლების ინსტრუმენტის დანერგვა წარმოადგენს. ეს სიახლეა დიასპორების წარმომადგენლებისთვის, ეთნიკური უმცირესობებისა და სოფლად მცხოვრები მოსახლეობისთვის, რისთვისაც შესაბამისი საკანონმდებლო ბაზა უკვე შექმნილია.
2017 წლიდან, უნივერსიტეტებს შეეძლებათ პროფესორები დანიშნონ არა მხოლოდ უვადო ხელშეკრულებით, არამედ მოხდეს დიფერენციაცია - უვადო და ვადიან დანიშვნებთან დაკავშირებით.
გარდა ამისა, 2017 წლიდან, საზღვარგარეთ აღიარებული ზოგადი განათლების დიპლომების გამარტივებული წესით აღიარება მოხდება.