მორიგი განმარტებების გაკეთება უწევს განათლების მინისტრსაც. ამჯერად, მიზეზი ზოგადი განათლების შესახებ კანონში შესული ცვლილებებია, რომელთა მიმართ პრეზიდენტს, ხელმოწერის მიუხედავად, გარკვეული შენიშვნები აქვს.

გიორგი მარგველაშვილის ადმინისტრაცია დისკრიმინაციის საფრთხეზე საუბრობს. იგულიხმება კანონპროექტის ის ნაწილი, რომლითაც სკოლები მოსწავლეების რაოდენობის მიხედვით კატეგორიებად უნდა დაიყოს.

მმართველი გუნდი კლასიფიცირების მთავარ არგუმენტად, განათლებაზე წვდომის გაზრდას ასახელებს, თუმცა განმარტება მიუღებელია ოპოზიციის ერთი ნაწილისთვისაც.