მორიგი გატაცება საოკუპაციო ზოლში - გორის მუნიციპალიტეტის სოფელ ჯარიაშენის მკვიდრი დააკავეს.

საოკუპაციო რეჟიმის წარმომადგენლებმა 25 წლამდე ახალგაზრდა მაშინ დააკავეს, როდესაც სოფლის სიახლოვეს მდებარე ტაძარში სალოცავად ადიოდა.

ის რუსმა სამხედროებმა ცხინვალში, წინასწარი დაკავების იზოლატორში გადაიყვანეს. მომხდართან დაკავშირებით ოჯახი არ საუბრობს.

რევაზ სრესელის გათავისუფლებაზე მოლაპარაკებებს შესაბამისი უწყებები ევროკავშირის ცხელი ხაზის მეშვეობით აწარმოებენ.