„საკრამენტო კინგზის" წინააღმდეგ მოგებულ შეხვედრაში, ზაზა ფაჩულია საუკეთესო მოთამაშედ დაასახელეს.

„გოლდენ სტეიტ უორიორზის" ქართველმა ცენტრმა, მეტოქე გუნდის ლიდერი, დემარკუს კაზენსი გაანეიტრალა და საკუთარი გუნდის გამარჯვებაში დიდი წვლილი შეიტანა.

საქართველოს ნაკრების კაპიტანმა 22 წუთში, 10 ქულა, 7 მოხსნა და 2 შედეგიანი გადაცემა მიითვალა აქტივში. ფაჩულია განსაკუთრებით აქტიური მესამე მეოთხედში იყო, როდესაც „კინგზი" მთავარ ცენტრს, კაზენს, არაერთი შეცდომა დააშვებინა. ეს თამაში „გოლდენ სტეიტ უორიორზმა" ანგარიშით 117-106 მოიგო.

სტივ კერის გუნდი, დასავლეთ კონფერენციას დამაჯერებლად ლიდერობს. „ოკლენდელები" მორიგ შეხვედრას 11 იანვარს, „მაიამი ჰიტის" წინააღმდეგ ჩაატარებენ.