თებერვალი 1, 2017
374
გიორგი შერმადინი ესპანეთის საკალათბურთო ჩემპიონატის თვის საუკეთესო მოთამაშედ დაასახელეს, რაც უდიდესი აღიარებაა.
ქართველი კალათბურთელისთვის, მიმდინარე წელი შესანიშნავად დაიწყო. ამ თვეში, მისმა ანდორამ ოთხი თამაში ჩაატარა და ამ შეხვედრებში შერმადინი თავის კლუბში საუკეთესო გახლდათ.
იანვარში მისი საშუალო სტატისტიკური მაჩვენებელი,18 ქულა და 9 მოხსნა იყო.
ლიგა ენდეზაში მაღალი დონის ვარსკვლავები ისეთ გუნდებში თამაშობენ, როგორებიც არიან ბარსელონა, მადრიდის რეალი, ბასკონია, ვალენსია და სხვა.
აქედან გამომდინარე, გიორგი შერმადინის ეს აღიარება ორმაგად დასაფასებელია. შეგახსენებთ, რომ ანდორა ამ ეტაპზე ესპანეთის ჩემპიონატში მერვე ადგილზეა და პლეიოფის ზონაშია.
მაჩვენე მეტი