ესპანეთის მსგავსად განახლდა იტალიის ჩემპიონატიც. მოქმედმა ჩემპიონმა და მიმდინარე გათამაშების ლიდერმა, ტურინის „იუვენტუსმა" საკუთარ მოედანზე უშანსოდ დაამარცხა „ბოლონია". იუვე, უკვე მეშვიდე წუთზე დაწინაურდა. მირალემ პიანიჩის გადაცემის შემდეგ, ანგარიში გონსალო იგუაინმა გახსნა.

პირველი ტაიმის მიწურულს, პაოლო დიბალამ ტურინული გრანდის უპირატესობა ორამდე გაზარდა. მეორე ნახევარში კი იგუაინმა დუბლი გაიფორმა. ეს არგენტინელი ფორვარდის მე-12- გოლი გამოდგა მიმდინარე ჩემპიონატში. საბოლოოდ 3-0 ალეგრის გუნდის დამაჯერებელი გამარჯვება.

„იუვენტუსი" სერია “ა”-ს გათამაშებას 45 ქულით ლიდერობს და ოთხი ქულით უსწრებს მეორე ადგილოსან რომას. პლუს ამას, ტურინელებს ერთი მატჩით ნაკლები აქვთ ჩატარებული.

მორიგ ტურში, „იუვენტუსი" 15 იანვარს, სტუმრად ფლორენციის „ფიორენტინას" წინააღმდეგ ითამაშებს.