ელექტრონული გაყიდვების ჩინური გიგანტი ალიბაბა შეერთებულ შტატებში მომავალი 5 წლის მანძილზე მილიონი სამუშაო ადგილის შექმნას აპირებს.

ამის პირობა ალიბაბას ხელმძღვანელმა ჯეკ მამ შტატების ახლადარჩეულ პრეზიდენტ დონალდ ტრამპს ორშაბათს გამართულ შეხვედრაზე მისცა.

"ალიბაბა" მცირე ამერიკულ ფირმებს განსაკუთრებით ფერმერებს და ტანსაცმლის მწარმოებლებს," ალიბაბას" პლატფორმის მეშვეობით, ჩინურ ბაზარზე წვდომის ზრდას სთავაზობს, რაც შტატებში სამუშაო ადგილების შექმნის წინაპირობა იქნება.

მოცემულ მომენტში "ალიბაბას" სავაჭრო პლატფორმას 7 ათასი ამერიკული ბრენდი იყენებს და მხოლოდ გასულ წელს ჩინეთის ბაზარზე 15- მილიარდი დოლარის საქონელი გაყიდეს.