კომპანია "ამაზონი" ბრიტანეთში წლის ბოლომდე 5 ათასი სამუშაო ადგილის შექმნას აპირებს. კომპანიის განცხადებით, იგი ტექნოლოგიის განვითარების სპეციალისტებისა და სასაწყობე მეურნეობების შტატს გაზრდის. დამატებითი სამუშაო ადგილები, ძირითადად "ამაზონის" ლონდონში არსებულ სათავო ოფისსა და ედინბურგის ოფისებში შეიქმნება.

ახალი სამუშაო ადგილების შექმნის შემდეგ "ამაზონის" მიერ დიდ ბრიტანეთში დასაქმებულთა რიცხვი 24 ათასს გადააჭარბებს. ბრიტანეთის ბაზარი "ამაზონისთვის" მესამე უმსხვილესი ბაზარია შტატებისა და გერმანიის შემდეგ.