რამდენად კეთილსინდისიერად ხდება დედაქალაქში ხეებისთვის დაზიანებულის სტატუსის მინიჭება. საკითხით არასამთავრობო ორგანიზაცია ,,აი-დი-ეფ-აი” დაინტერესდა.

მესამე სექტორმა კვლევა ჩაატარა, რომლის მიხედვითაც გასულ წელს თბილისის მერიის ნებართვებით მოჭრილ ხეებს შორის, წინა წლებთან შედარებით, 5-ჯერ მეტ ხეს მიენიჭა დაზიანებულის სტატუსი.

„ინფორმაციის თავისუფლების განვითარების ინსტიტუტმა“ მშენებლობის მიზნით ხეების მოჭრაზე გაცემული ნებართვების შესახებ თბილისის მერიდიან ინფორმაცია გამოითხოვა, საპასუხოდ, მერიისგან კი ეკოლოგიისა და გამწვანების საქალაქო სამსახურის მიერ 2011-2016 წლებში გაცემული ნებართვების ასლები მიიღო.

ორგანიზაციაში აცხადებენ, რომ ბოლო 4 წლის განმავლობაში 3 ათას 552 ხის მოჭრაზე გაიცა ნებართვა, საიდანაც დაავადებული მხოლოდ 827 ხე იყო.