თბილისის მერიას ხეებთან დაკავშირებით მორიგი განმარტების გაკეთება უწევს. "აი-დი-ეფ-აის" მიერ მომზადებული ანგარიშის მიხედვით, 2016 წელს დაზიანებულის სტატუსის მქონე მოჭრილი ხეების რაოდენობა, წინა წლებთან შედარებით, ხუთჯერაა გაზრდილი.

ამ სტატისტიკის გამო არასამთავრობო ორგანიზაციას გარკვეული კითხვები უჩნდება, პრეტენზიები აქვს მოქალაქეების ნაწილსაც, რომელიც მერიას გარკვეულ სამშენებლო კომპანიებთან გარიგებაში ადანაშაულებს.

დედაქალაქის მთავრობა კი განმარტავს, რომ ხეს დაზიანებულის სტატუსი კერძო ექსპერტების მიერ ჩატარებული კვლევების საფუძველზე ენიჭება.