მსოფლიო ბანკმა საქართველოს ეკონომიკური ზრდის პროგნოზი გააუმჯობესა. საერთაშორისო ორგანიზაციის ვარაუდით, წელს, ქვეყნის ეკონომიკა 5, 2 %-მდე გაიზრდება. ოფიციალური პროგნოზი კი 4%-ია. უკვე 2018 წლისთვის მსოფლიო ბანკი ქართულ ეკონომიკას 5,3%-მდე ზრდას უწინასწარმეტყველებს.

რაც შეეხება გლობალურ ეკონომიკას, ის, წელს, სავარაუდოდ, 2.7%-ით გაიზრდება. წინა პროგნოზის მიხედვით კი მსოფლიო ბანკი მსოფლიო ეკონომიკის 3%-ით ზრდას ვარაუდობდა.

ბანკს მიაჩნია, რომ 2016 წელი მსოფლიო ეკონომიკისთვის რთული იყო, წელს კი მდგომარეობა შედარებით გამოსწორდება. დარჩენილი რისკების გათვალისწინებით ორგანიზაცია არ გამორიცხავს, რომ გლობალური ეკონომიკის ზრდის პროგნოზი შემცირდეს.