მელბურნში მიმდინარე ავსტრალიის ღია საჩოგბურთო ტურნირზე, გუშინ, მთავარი სენსაცია დაფიქსირდა. შეჯიბრს მეორე წრეში, ნოვაკ ჯოკოვიჩი გამოეთიშა. მსოფლიოს მეორე ჩოგბურთელმა, უზბეკეთის წარმომადგენელ დენის ისტომინთან წააგო. მატჩი უაღრესად საინტერესო და დაძაბული გამოდგა. რეიტინგის 117-ე ნომერმა, სერბს პირველი საეტი ტაიბრეიკზე მოუგო. მომდევნო ორში უკვე ნოლე დომინირებდა კორტზე და თითქოს თამაშის ლოგიკურ დასასრულამდე მიყვანა არ უნდა გასჭირვებოდა, თუმცა ისტომინმა პრაქტიკულად შეუძლებელი შესძლო და ხუთსეტიან დაპირისპირებაში საბოლოო წარმატებას მიაღწია. ისტომინი მე-16-ედ ფინალში, ესპანელ პაბლო კარენო ბუსტას შეხვდება.
გუშინვე, ქალთა ტურნირზეც დაფიქსირდა სენსაცია. მსოფლიოს მესამე ჩოგანმა, პოლონელმა აგნიეშკა რადვანსკამ, ხორვატ ლიუჩიჩ ბარონისთან ორ სეტში წააგო და აუსტრალიოან ოუფენზე გამოსვლა ნაადრევ ეტაპზე დაასრულა