მელბურნის კორტებზე მიმდინარე ავსტრალიის ღია საჩოგბურთო ტურნირი დასარულს უახლოვდება.

დღეს, როგორც ქალთა, ისე მამაკაცთა შორის, დარჩენილი ნახევარფინალისტები გამოვლინდნენ. ვაჟთა ტურნირზე, საუკეთესო ოთხეულში ითამაშებს გრიგორი დიმიტროვი. ბულგარელმა ჩოგბურთელმა, დღეს, სამ სეტში საკმაოდ მარტივად ბელგიელი დავიდ გოფინი დაამარცხა. დიმიტროვი ერთადერთი ჩოგბურთელია, რომელსაც მიმდინარე წელს არცერთი მატჩი არ წაუგია. მან 10-დან 10 თამაში მოიგო.

ბულგარელის მეტოქე ნახევარფინალში ესპანელი რაფაელ ნადალი იქნება. რაფამ ასევე სამ სეტში, კანადის წარმომდაგენელს, მილოშ რაონიჩს აჯობა. მეორე ნახევარფინალი კი შვეიცარიული იქნება. ერთმანეთს როჯერ ფედერერი და სტენ ვავრინკა დაუპირისპირდებიან.

ქალთა შორის, ნახევარფინალის საგზური მოიპოვა სერენა უილიამსმა. მსოფლიოს მეორე ნომერმა უშანსოდ მოუგო ბრიტანელ ჯოანა კონტას. 6-2, 6-3, უმცროსი უილიამსის სასარგებლოდ.

ამერიკელი ფინალში გასასვლელად, ვეტერან ხორვატს, მარიანა ლუჩიჩ ბარონის შეხვდება. 34 წლის ბარონის, 18 წლის მანძილზე, „ავტრალიან უოფენზე“ არცერთი შეხვედრა არ ჰქონდა მოგებული. მეორე ნახევარფინალში, ვენუს უილიამსი და კოკო ვანდევეგე გაარკვევენ ურთიერთობას. ასე რომ, არ არის გამორიცხული, მელბურნში დები უილიამსების ფინალი შედგეს.