ნონა გაფრინდაშვილის სახელობის ჭადრაკის სასახლეში ხვალ სტარტს აიღებს საქართველოს 76-ე ჩემპიონატი ვაჟთა შორის. საუკეთესოს ტიტულისთვის 10 სპორტსმენი იბრძოლებს.

დღეს ჩემპიონატის პირველი ტურის მეტოქეები კენჭისყრის შედეგად გამოვლინდნენ. შეჯიბრის გამარჯვებული საქართველოს ვაჟთა ნაკრების წევრობის კანდიდატად დასახელდება.

საპრიზო ადგილების მფობელები ასევე 2017 წლის ევროპის პირველობაზე დაფინანსდებიან და 2018 წლის საქართველოს ვაჟთა 77-ე ჩემპიონატის უმაღლეს ლიგაში დაიშვებიან.

წლევანდელი ტურნირის საპრიზო ფონდი 19 500 ლარს შეადგენს. გათამაშება ხვალ 15 საათზე დაიწყება და 30 იანვრამდე გასტანს.