ნონა გაფრინდაშვილის სახელობის ჭადრაკის სასახლეში, საქართველოს რიგით 74-ე ჩემპიონატი ქალ მოჭადრაკეთა შორის გრძელდება.

დღეს, ტურნირზე მესამე ტურის პარტიები გაიმართა. პირველობა წრიული სისტემით მიმდინარეობს და მასში მონაწილეობას სულ 10 მოჭადრაკე იღებს.

სამეულში გასული სპორტსმენები ევროპის ჩემპიონატის საგზურებს მოიპოვებენ. კონტინენტის პირველობა აპრილში ლატვიის დედაქალაქ რიგაში ჩატარდება.

სამი ტურის შემდეგ, საქართველოს ჩემპიონატს ბელა ხოტენაშვილი და მერი არაბიძე ლიდერობენ.

ტურნირის საპრიზო ფონდი 17 500 ლარია. შეჯიბრი 20 მარტს დასრულდება.