ჩინური "ალიბაბა", მომავალი ოლიმპიადის ძირითადი სპონსორების რიგებში შედის. შესაბამისი ხელშეკრულება საერთაშორისო ოლიმპიურ კომიტეტთან, "ალიბამამ" შვეიცარიის კურორტ დავოსში დადო, სადაც მსოფლიო ეკონომიკური ფორუმი მიმდინარეობს.

გარიგების მიხედვით, კომპანია მომავალი ექვსი ოლიმპიადის სპონსორი იქნება. სპონსორობას "ალიბაბა" უკვე 2018 წელს სამხრეთ კორეაში დაგეგმილი ზამთრის ოლიმპიადით დაიწყებს.

ფინანსურ დეტალებს მხარეები არ ასაჯაროებენ, თუმცა სააგენტო "ბლუმბერგის" ცნობით, გარიგება 800 მილიონად არის შეფასებული, რაც უმსხვილესია ოლიმპიური კომიტეტის ისტორიაში.