საფრანგეთში მიმდინარე მსოფლიო ჩემპიონატზე ხელბურთში, გუშინ, ნახევარფინალისტები გამოვლინდნენ.

ყველაზე დაძაბული და საინტერესო, ესპანეთის და ხორვატიის ნაკრებების შეხვედრა გამოდგა.

აღსანიშნავია, რომ ხორვატები 38-ე წუთისთვის, ხუთი ბურთით იგებდნენ. ესპანელებმა ბოლოსკენ შეძლეს აღნიშნული ჩამორჩენის აღმოფხვრა და ანგარიში გაათანბრეს. თუმცა უკანასკნელ წუთებზე ხორვატიამ მაინც მოახერხა გამარჯვების მოპოვება.

თამაშის საფინალო ანგარიშია 30-29. გამარჯვებულ გუნდში 9 გოლი ახალგაზრდა მარკო მამიჩმა გაიტანა.

ხორვატია ნახევარფინალში ნორვეგიას დაუპირისპირდება, რომელმაც უნგრეთს 31-28 მოუგო. მეორე ნახევარფინალში კი მასპინძელი საფრანგეთი სლოვენიას შეხვდება.