საფრანგეთში მიმდინარე მსოფლიოს ჩემპიონატზე ხელბურთში გუშინ პირველი ფინალისტი ნაკრები გამოვლინდა.

ტურნირის მასპინძლებმა 6 ბურთის სხვაობით სლოვენია ანგარიშით 31-25 დაამარცხეს.

მსოფლიოს ხუთგზის ჩემპიონები თითქმის მთელი მატჩის განმავლობაში ლიდერობდნენ და საბოლოოდ ლოგიკურ გამარჯვებასაც მიაღწიეს.

ფრანგების შემადგენლობაში შეხვედრის ბომბარდირი მარჯვენა ინასიადი ნედიმი რემილი გახდა, რომელმაც 6 გოლი გაიტანა.

თამაშის საუკეთესო მოთამაშედ კი საფრანგეთის ნაკრების გოლკიპერი ვენსან ჟერარი დაასახელეს. მან 39-დან 16-ბურთის მოგერიება შესძლო.

საფრანგეთის მეტოქე გადამწყვეტ მატჩში დღეს გამოვლინდება. ფინალის მეორე საგზურისთვის ხორვატია და ნორვეგია იბრძოლებენ.