საფრანგეთში მიმდინარე მსოფლიოს ჩემპიონატზე ხელბურთში, ჯგუფური ეტაპი დასასრულს უახლოვდება.

13-მა ნაკრებმა პლეი-ოფში თამაშის უფლება უკვე გაინაღდა. თავის ქვეჯგუფში უდანაკარგოა ესპანეთის ეროვნული გუნდი, რომელმაც ოთხივე შეხვედრა მოიგო. ესპანელებმა, გუშინ, მაკედონიას ოთხი ბურთის სხვაობით, ანგარიშით 29-25 მოუგეს.

მატჩის ბომბარდირი, ესპანელთა ერთ-ერთი ლიდერი, ვალერო რივერა გახდა, რომელმაც 11 გოლი გაიტანა. დღეს „ბე“ ჯგუფში ესპანეთის და სლოვენიის მატჩის შემდეგ გაირკვევა, ამ გუნდებიდან თუ რომელი დაიკავებს პირველ ადგილს.

შეგახსენებთ, რომ მოქმედი მსოფლიოს ჩემპიონი, ტურნირის მასპინძელი, საფრანგეთია, რომელიც წელსაც მთავარი ფავორიტია.