საკალათბურთო ევროლიგის პირველი ეტაპი დასასრულს უახლოვდება.

გუშინ, 27-ე ტურის რამდენიმე შეხვედრა გაიმართა.

საკალათბურთო ელ კლასიკო შედგა მადრიდში, სადაც ადგილობრივმა რეალმა, ბარსელონას უმასპინძლა.

თამაში სამეფო გუნდის საგრძნობი უპირატესობით წარიმართა. მასპინძლები მეტოქეს თავიდანვე გაექცნენ და დაწევის შანსი აღარც მიუციათ.

მადრიდელებს 21 ქულით, სერხიო ლიულმა ულიდერა. მექსიკელი ცენტრის, გუსტავო აიონის მონაგარმა კი 14 ქულა და 5 მოხსნა შეადგინა.

საბოლოოდ, პაბლო ლასოს გუნდმა 85-69 გაიმარჯვა და გათამაშებას კვლავ ლიდერობს.

რაც შეეხება ბარსელონას, კატალონური კლუბს პლეი-ოფში მოხვედრის შანსი აღარ აქვს.

რეალი, ხვალ, პრინციპულ დაპირისპირებაში, სტუმრად პირეოსის ოლიმპიაკოსს შეხვდება.