საკალათბურთო ევროლიგის გათამაშება გრძელდება. გუშინ, მე-18 ტურის ხუთი შეხვედრა ჩატარდა.
ცენტრალურ დაპირისპირებაში სტამბოლის "ფენერბახჩემ" საკუთარ, ულქერ სპორტს არენაზე, ათენის "პანათინაიკოსი" მიიღო და დიდი სხვაობით, ანგარიშით 84-63 დაამარცხა.
მასპინძლებმა სოლიდური უპირატესობა პირველივე ტაიმში მოიპოვეს, როდესაც მეტოქეს 16 ქულით გაექცნენ. დარჩენილ დროში თურქულ კლუბს აღარ გასჭირვებია საბოლოო გამარჯვების მოპოვება.
"ფენერის" შემადგენლობაში, საუკეთესო, 16 ქულით, იტალიელი ლუიჯი დატომე იყო.
"პაოს" რიგებში მაიკ ჯეიმსი გამოირჩა 25 ქულით. 18 მატჩის შემდეგ "ფენერბახჩეს" 11 მოგება და 7 მარცხი აქვს. ჟელიკო ობრადოვიჩის გუნდი პლეიოფის ზონაშია და მომდევნო შეხვედრას 24 იანვარს, სტუმრად, ყაზანის "უნიქსის" წინააღმდეგ გამართავს.