სტრასბურგის სასამართლოს მოსამართლეობის კანდიდატების კონკურსი აპრილიდან გამოცხადდება.
ევროპის საბჭოს მოსამართლეთა არჩევის კომიტეტის მიერ მიღებული გადაწყვეტილების მიუხედავად, უმრავლესობაში კანდიდატების კომპეტენციასთან და სანდოობასთან დაკავშირებით ეჭვები არ აქვთ.
დეპუტატების თქმით, საქართველოს ახალი კანდიდატურების წარსადგენად საკმარისი დრო აქვს და პროცესი მალე დაიწყება. მათი ნაწილი მიიჩნევს, რომ სტრასბურგში მიღებული გადაწყვეტილება მეტწილად უჩა ნანუაშვილისა და ზაზა ხატიაშვილის მიერ გაწეულმა ანტიკამპანიამ განაპირობა.
„ნაციონალურ მოძრაობაში“ კი კომისიის გადაწყვეტილებას ლოგიკურს უწოდებენ, არგუმენტად პარტიაში კანდიდატების მმართველ გუნთან კავშირს ასახელებენ. განსაკუთრებული პრეტენზიები მათ ევა გოცირიძის კანდიდატურის მისამართით აქვთ. კანდიდატების ახალი სიის წარსადგენად ქართულ მხარეს დრო წლის ბოლომდე აქვს.