უკვე 3 საათია სტრასბურგის სასამართლოს მოსამართლეობის კანდიდატების შესარჩევად გასაუბრება მიმდინარეობს. სამთავრობო კომისიის წევრებმა 23 მსურველიდან 5 უნდა შეარჩიონ.
მათგან 3 კანდიდატს მთავრობა ევროპის საბჭოს საპარლამენტო ასამბლეას წარუდგენს. საბოლოოდ სტრასბურგში მოსამართლედ ერთი კანდიდატი 10 წლის ვადით შეირჩევა.
შეგახსნებთ, რომ ერთ-ერთმა კანდიდატმა, საკონსტიტუციო სასამართლოს ყოფილმა თავმჯდომარემ გიორგი პაპუაშვილმა პროტესტის ნიშნად, კონკურსში მონაწილეობის გაგრძელებაზე უარი განაცხადა. ადგილი უკვე რამდენიმე თვეა, ვაკანტურია
კანდიდატების შესარჩევად თავდაპირველად კონკურსი გასულ წელს ჩატარდა, თუმცა გიორგი ბადაშვილის, ევა გოცირიძის და ალექსანდრე ბარამიძის კანდიდატურებიდან სასამართლოში სამუშაოდ არც ერთი დამტკიცდა.
გიორგი კობერიძე დეტალებით.