საქართველოს 20 წლამდე მორაგბეთა ნაკრები 2017 წლის მსოფლიოს ჩემპიონატისთვის მზადებას განაგრძობს. ილია მაისურაძის გუნდმა დღეს მორიგი ტესტ-მატჩი ლელო სარასენსთან გამართა.
ახალგაზრდა ბორჯღალოსნებმა მეტოქის ჩათვლის მოედანი ხუთჯერ აიღეს. მეტოქისგან კი ორი ლელო მიიღეს.
მსოფლიოს ჩემპიონატამდე მაისურაძის გუნდი კიდევ სამ საინტერესო ამხანაგურ მატჩს თბილისში სამხრეთ აფრიკის, ვესთერნ პროვინსის აკადემიის გუნდის წინააღმდეგ ჩაატარებს.
მორაგბეთა ახალგაზრდული მსოფლიოს ჩემპიონატი საქართველოში 31 მაისიდან 18 ივნისის ჩათვლით ჩატარდება.
საქართველოს ნაკრები პლანეტის 12 საუკეთესო გუნდში ზედიზედ მეორედ იასპარეზებს. წლევანდელ მსოფლიოს ჩემპიონატზე ჩვენი გუნდის მეტოქეები ჯგუფში არგენტინის, სამხრეთ აფრიკის და საფრანგეთის ახალგაზრდული ნაკრებები იქნებიან.