საპროტესტო მსვლელობა თბილისში. მეტალურგთა, მეშახტეთა და ქიმიურ მრეწველობაში დასაქმებულთა პროფკავშირის წევრებმა და სტუდენტური მოძრაობა „მწვანე მუშტის“ წარმომადგენლებმა აქცია ჟვანიას მოედანზე გამართეს და საქართველოს ბანკის ცენტრალურ ფილიალთან მსვლელობით დაასრულეს.

შეკრებილები „რუსთავის აზოტის“ 350 თანამშრომლის სამსახურიდან გათავისუფლებას აპროტესტებენ. საქართველოს ბანკმა კომპანია ცოტა ხნის წინ შეიძინა და თანამშრომელთა ინფორმაციით, 25 იანვარს დასაქმებულთა ნაწილი სამსახურიდან დაითხოვა.

საქართველოს ბანკი თემაზე კომენტარს არ აკეთებს. ბრალდებებს უარყოფენ „რუსთავის აზოტშიც“.