ოქტომბერი 15, 2017
243
თბილისში უსინათლო და მცირემხედველთა მხარდამჭერი მსვლელობა გაიმართა.
15 ოქტომბერი თეთრი ხელჯოხის საერთაშორისო დღეა. ღონისძიება რუსთაველის ძეგლის მიმდებარე ტერიტორიიდან დაიწყო.
ორგანიზატორებმა შეზღუდული მხედველობის მქონე მოქალაქეების პრობლემებზე და ადაპტირებული გარემოს შექმნის აუცილებლობაზე ისაუბრეს. მათი თქმით, გაერო-ს შეზღუდული შესაძლებლობების მქონე პირთა უფლებების კონვენცია, რომელსაც საქართველოს პარლამენტი 2013 წელს შეუერთდა, სახელმწიფოსგან სოციალური სარეაბილიტაციო ცენტრების შექმნას მოითხოვს.
უფლებადამცველების განმარტებით, სახელმწიფო ვერ უზრუნველყოფს მსგავსი საჭიროების მქონე მოქალაქეების უფლებების დაცვას და მათ მხარდაჭერას.
თეთრი ხელჯოხის მსოფლიო დღეს საქართველო 2011 წლიდან შეუერთდა.
მაჩვენე მეტი