საქართველოს მოქალაქის გიორგი ლუკავას ადგილსამყოფელი უკვე მესამე დღეა უცნობია. ოკუპირებულ აფხაზეთში, დრანდის ციხიდან ის სამი დღის წინ გაქრა.
დღეს, „მოამბემ“ დრანდის ციხეში ერთ-ერთ პატიმართან დაკავშირება შეძლო, რომელიც გვიყვება რომ გიორგი ლუკავა ორი დღის წინ დე ფაქტო შინაგან საქმეთა სამინისტროში გადაიყვანეს. როგორც პატიმარი „მოამბესთან“ საუბარში ამბობს, დრანდის ციხეში იმყოფება კიდევ რამდენიმე ქართველი, რომელთა გაცვლასაც, არაღიარებული რეჟიმი ქართველ სამართალდამცველთა მეირ კონტროლირებად ტერიტორიაზე დაკავებულ პირებში გეგმავს.
გიორგი ლუკავა ოჯახს ორი დღის წინ დაუკავშირდა და აცნობა, რომ მისი ციხიდან გაყვანა იგეგმებოდა. ოჯახი დახმარებას ითხოვს.
სახელმწიფო უსაფრთხოების სამსახურის ინფორმაციით, მომხდართან დაკავშირებით ევროკავშირის მონიტორინგის მისია უკვე ინფორმირებულია და მუშაობა გრძელდება.
გიორგი ლუკავა ოკუპირებული აფხაზეთის ტერიტორიაზე 5 წლის წინ დააკავეს და 20 წლიანი პატიმრობა მიუსაჯეს.