შემოსავლების სამსახური მოვაჭრეებს „ბავშვთა სამყაროში“ ხანძრის შედეგად განადგურებულ სასაქონლო-მატერიალურ ფასეულობებს ჩამოაწერს - ამის შესახებ ფინანსთა მინისტრის მოადგილემ ლაშა ხუციშვილმა დღეს გააკეთა განცხადება.
მისი თქმით, ფინანსთა სამინისტროს შემოსავლების სამსახურის ხელმძღვანელობის გადაწყვეტილებით, განხორციელდება ხანძრის შედეგად განადგურებული სასაქონლო-მატერიალური ფასეულობების ჩამოწერა, შემდგომ პერიოდში კი თითოეული დაზარალებული გადამხდელის საგადასახადო ვალდებულების შესწავლა ინდივიდუალურად მოხდება და ისე იქნება საბოლოო გადაწყვეტილება მიღებული, რომ მათ მომავალ საქმიანობაში პრობლემა არ შეექმნათ.