თბილისში, ისნის ბაზრობაზე გაჩენილი ხანძრის შედეგად დაზარალებულ მოვაჭრეებს ბაზრობის ადმინისტრაცია ხვალ შეხვდება.

კომპანია ტრანსსერვისის დირექტორი მზადაა, მათ ზარალი ფინანსური შესაძლებლობების ფარგლებში აუნაზღაუროს.

ადმინისტრაცია დაზარალებულების დახმარების ერთ-ერთ ფორმად, შემოსავლების სამსახურის თანხმობის შემთხვევაში, გარკვეული პერიოდით იჯარიდან მათ გათავისუფლებასაც განიხილავს.

პარალელურად, დღეს მეორეადი ავტონაწილების ბაზრობის დამწვარ ტერიტორიაზე, ექსპერტებმა ზარალის შესწავლა დაიწყეს. მოვაჭრეების მოთხოვნა უცვლელია. ისინი ბაზრობის ადმინისტრაციისგან ზარალის კომპენსაციას ითხოვენ.