საერთაშორისო ორგანიზაცია “ფრიდომ ჰაუსი" "თავისუფლება მსოფლიოში 2017”-ის სათაურით ახალ ანგარიშს აქვეყნებს.

მოხსენებაში საუბარია საქართველოზეც. ორგანიზაციის შეფასებით, საქართველო 64 ქულით ძველ პიზიციებს ინარჩუნებს და ისევ ნაწილობრივ თავისუფალი ქვეყნების სიაშია.

როგორც პოლიტიკური, ასევე სამოქალაქო თავისუფლების კუთხით, საქართველოს 3 ქულა აქვს მინიჭებული.

ქვეყნები 7-ქულიანი სისტემით ფასდებიან. საუკეთესო ქულა 1-ია ყველაზე ცუდი კი 7.

ტერიტორიების კატეგორიაში მოხსენიებულია აფხაზეთი, როგორც ნაწილობრივ თავისუფალი და სამხრეთ ოსეთი, როგორც არათავისუფალი.

საუბარია იმაზეც, რომ უკრაინის, საქართველოსა და მოლდოვის პროგრესს შესაძლოა საფრთხე დაემუქროს თუ, დასავლეთი მათ მხარდაჭერას შეამცირებს.

"ფრიდომ ჰაუსის" ანგარიშის გამო, ოპოზიცია ხელისუფლებას აკრიტიკებს. ანგარიშში საგანგაშოს ვერაფერს ხედავს მმართველი გუნდი.