„ფრიდომ ჰაუსის“ გამოთვლებით, საქართველოში დემოკრატიული მაჩვენებლებელი 7-იდან 4,61 ქულით შეფასდა. კვლევაში 1 ქულა საუკეთესო, ხოლო 7 - ყველაზე ცუდი მაჩვენებლია.

კვლევაზე დაყრდნობით, 2017 წლის მონაცემებით, საქართველოში საარჩევნო, სასამართლო, კორუფციული და სხვა კვლევით მიმართულებებში, გასულ წელთან შედარებით, მონაცემები არ შეცვლილა.

ყველაზე კარგი შედეგი საქართველოს სამოქალაქო საზოგადოების სეგმენტში აქვს 3,75-იანი მაჩვენებლით, საშუალოზე დაბალი ქულა დაფიქსირდა ადგილობრივ და ეროვნულ დემოკრატიულ მმართველობასა და სასამართლო სისტემის დამოუკიდებლობაში.

ორგანიზაციის კვლევის მიხედვით, მედიის თავისუფლება ქვეყანაში ნაწილობრივ თავისუფლად, 4 ქულით შეფასდა. ინტერნეტთავისუფლების მხრივ კი, საქართველო თავისუფალია.

დემოკრატიული განვითარების მდგომარეობის მიხედვით, კვლევაში საქართველო გარდამავალი მთავრობის კატეგორიაშია, ისევე როგორც აღმოსავლეთ პარტნიორობის კიდევ ორი ქვეყანა, მოლდოვა და უკრაინა. კვლევის შინაარსობრივი მხარე უახლოეს დღეებში გამოქვეყნდება. თემაზე შეფასებები უკვე გაკეთდა.