უკრაინის პრეზიდენტი ნატო-ში შესვლის თაობაზე რეფერენდუმის ჩატარებას გეგმავს. „რასაც მართლაც ვაფასებ ეს უკრაინელი ხალხის აზრია. ოთხი წლის წინ, ნატო-ში უკრაინის გაწევრიანებას მოსახლეობის 16 % უჭერდა მხარს. ახლა ეს მაჩვენებელი 54%-ს შეადგენს. როგორც პრეზიდენტი, მე გავიგებ ჩემი ხალხის აზრს და ჩავატარებ რეფერენდუმს ნატო-ში გაწევრიანებაზე და თუ უკრაინელები მხარს დაუჭერენ ამას, მე ყველაფერს გავაკეთებ, რათა მივაღწიო უკრაინის წევრობას ჩრდილოატლანტიკურ ალიანსში“, - აღნიშნა პოროშენკომ.

2014 წლის დეკემბერში უკრაინის პარლამენტმა ცვლილებები შეიტანა ორ კანონში და უარი განაცხადა უკრაინის ბლოკგარეშე სტატუსზე.