ამერიკის შეერთებული შტატები 2018 წელს ნატო-ს ფარგლებში 11 ფართომასშტაბიანი სამხედრო წვრთნის ჩატარებას გეგმავს. ამის შესახებ ევროპაში ამერიკის შეიარაღებული ძალების მეთაურმა გენერალმა ჯონ ჰილიმ განაცხადა.

მისი თქმით სწავლებები, ისლანდიაში, დიდი ბრიტანეთში, ბალტიის ქვეყნებსა და, შესაძლოა, ფინეთშიც ჩატარდეს და მასში სახმელეთო ძალებთან ერთად ჩართული იქნება, როგორც სამხედრო-საჰაერო ისე საზღვაო ძალები.

წინასწარი შეფასებით, მიმდინარე ზაფხულის განმავლობაში ევროპის ტერიტორიაზე ჩატარებულ წვრთნებში 40 ათასამდე ამერიკელი სამხედრო და მათი მოკავშირეები მონაწილეობენ.

გენერალ ჯონ ჰილის განცხადებით, ევროპის ყურადღების ქვეშ კვლავ რუსეთი რჩება. კერძოდ კი რუსეთ-ბელარუსის სამხედრო სწავლება „დასავლეთი-2017”, რომელიც 14-დან 20 სექტემბრის ჩათვლის გაიმართება.