"ბარსელონამ" ესპანეთის თასის გათამაშების ფინალში მოსახვედრად დიდი ნაბიჯი გადადგა.

კატალონელებმა, გუშინ, სტუმრად "ვისენტე კალდერონზე" მადრიდის „ატლეტიკო“ დაამარცხეს. ლუის ენრიკეს გუნდმა, სოლიდური ჰანდიკაპი პირველივე ტაიმში აიღო, როდესაც მეტოქეს ორი უპასუხო ბურთი გაუტანა. მეშვიდე წუთზე თავი ლუის სუარესმა გამოიჩინა, ხოლო 33-ეზე შორეული დარტყმით თავი ლეო მესიმ გამოიჩინა.

მადიდელებმა ერთი ბურთი 59-ე წუთზე გაქვითეს. გოლის ავტორი ანტუან გრიზმანი გახლავთ. ამის შემდეგ, არაერთი მომენტის მიუხედავად, ანგარიში აღარ შეცვლილა.

ამ წყვილის საპასუხო შეხვდრა, 7 თებერვალს, ნოუ კამპზე შედგება. მეორე ნახევარფინალში კი ურთიერთობას, ვიგოს სელტა და ალავესი გაარკვევენ. შეგახსენებთ, რომ წინა ეტაპზე „სელტამ“, მადრიდის „რეალი“ გამოთიშა ასპარეზობიდან.