„მანჩესტერ იუნაიტედმა“ ევროპის ლიგის ფინალში მოსახვედრად საკმაოდ დიდი ნაბიჯი გადადგა. ჟოზე მოურინიოს გუნდმა გუშინ პირველ ნახევარფინალურ შეხვედრაში "ვიგოს სელტა" სტუმრად დაამარცხა.

ბალაიდოსის სტადიონზე გამართული მატჩი საკმაოდ თანაბარი გამოვიდა. თამაშის ერთადერთი გოლი მანჩესტერელთა ფორვარდმა, მარკუს რეშფორდმა 67-ე წუთზე გაიტანა და საკუთარ გუნდს განმეორებითი შეხვედრის წინ კომფორტული ჰანდიკაპი მოუპოვა.

საპასუხო მატჩი, 11 მაისს ოლდ ტრაფორზე შედგება. შეგახსენებთ, რომ მეორე ნახვერფინალურ წყვილში "აიაქსი" და "ლიონი" იბრძვიან. პირველი თამაში ამსტერდამელებს საკუთარ მოედანზე 4-1 აქვთ მოგებული