მედიაკოალიცია განცხადებას ავრცელებს, სადაც ნათქვამია, რომ საზოგადოებრივი მაუწყებლის მენეჯმენტმა მიიღო გადაწყვეტილება გადაცემა "რეალური სივრცის" დახურვის შესახებ.

ასევე, კოალიციის ცნობით, საუბარია სხვადასხვა გადაცემის დახურვაზეც, რასაც კოალიცია ეწინააღმდეგება.

"რეალური სივრცის" ავტორი და წამყვანი ნინო ზაუტაშვილი ამბობს, რომ მას არ აქვს ინფორმაცია, დაიხურება თუ არა "რეალური სივრცე"და ელოდება გადაწყვეტილებას.

მაუწყებლის ხელმძღვანელობას დღეს განცხადება არ გაუკეთებია. არხზე დაგეგმილ ცვლილებებს და მაუწყებლის განვითარების ხედვას გენერალური დირექტორი, ორშაბათს 12:00-ზე წარმოადგენს.