ოკუპირებულ ცხინვალში 9 აპრილს, საპრეზიდენტო არჩევნებთან ერთად, რეფერენდუმიც ჩატარდება. დე ფაქტო პრეზიდენტი ე.წ. სამხრეთ ოსეთისთვის სახელის შეცვლას და მის “ალანიად” წოდების ინიციატივით გამოდის.

ლეონიდ თიბილოვი ამას ეროვნული თვითგამორკვევითა და ჩრდილოეთ ოსეთთან, ისტორიული კავშირით ხსნის.

ფაქტს მწვავე გამოხმაურებები მოჰყვა თბილისში. პოლიტიკოსები და ექსპერტები მიიჩნევენ, რომ საქართველოს ცენტრალური ხელისუფლების ნებართვის გარეშე, სხვა სახელმწიფოს მიერ ოკუპირებულ ტერიტორიაზე, მსგავსი რეფერენდუმი არალეგიტიმურია და იგი საქართველოს სუვერენიტეტის ხელყოფის ტოლფასია. პოლიტიკოსები საერთაშორისო წრეებს რეაგირებისკენ მოუწოდებენ.