საზოგადოებრივი მაუწყებლის აღმასრულებელი და სამეურვეო საბჭოები თანამშორმლებთან და საზოგადოების სხვადასხვა ჯგუფებთან შეხვედრებს განაგრძობენ.
დისკუსია მაუწყებლის რეორგანიზაციის თემაზე უფრო აქტიურად ორშაბათიდან გაგრძელდება.
როგორც აღმასრულებელი საბჭოს წევრები განმარტავენ, ამ ეტაპზე მსჯელობა იმ კრიტერიუმების შესახებ მიმდინარეობს, რომელთა მიხედვითაც გადაცემების გადარჩევა უნდა მოხდეს.
მაუწყებლის გენერალური დირექტორის მრჩეველი ია ანთაძე ამბობს, რომ რეიტინგთან ერთად კიდევ რა კრიტერიუმზე მოხდება შეჯერება, მათ შორის სამეურვეო საბჭოუმ უნდა გადაწყვიტოს.
ბორდის წევრები კი განმარტავენ რომ ისინი ამ ეტაპზე არა კრიტერიუმების აღდგენაზე, არამედ, ზოგადად, რეორგანიზაციის გეგმის თავისებურებებზე მსჯელობენ.
რეორგანიზაციასთან დაკავშირებით საკუათარი პოზიცია აქვს მესამე სექტორს. არასამთავრობო ორგანიზაციათა ნაწილი მიიჩნევს, რომ რეფორმა აუციელებლია, თუმცა საზოგადოებრივ -;პოლიტიკური გადაცემებისა და შოუების გარეშე მაუწყებლობა მესამე სექტორის წარმომადგენლებს დაუშვებლად მიაჩნიათ.