“ამერიკა მზადაა გააგრძელოს საქართველოს მხარდაჭერა” – ამის შესახებ შეერთებულ შტატებში ვიზიტით მყოფმა საგარეო საქმეთა მინისტრმა განაცხადა.

შტატების სახელმწიფო მდივანთან რექს ტილერსონთან შეხვედრის შემდეგ, ჯანელიძემ აღნიშნა, რომ ამერიკის შეერთებული შტატები საქართველოს სტრატეგიულ პარტნიორად და რეგიონში ლიდერად მიიჩნევს.

ტრამპის ახალი ადმინისტრაცია აფასებს რეგიონულ და საერთაშორისო დონეზე საქართველოს სამშვიდობო პოლიტიკას, უსაფრთხოების საკითხებში მის ძალისხმევას და, შესაბამისად, მზადაა ქვეყანასთან ორმხრივი თანამშრომლობა გააგრძელოს.

საუბარი შეეხო ასევე გამოწვევებს რუსეთ-საქართველოს ურთიერთობებში. შეგახსენებთ, რომ აშშ-ის ახალ ადმინისტრაციასთან ეს ქართული მხარის პირველი ოფიციალური შეხვედრა იყო.