ამერიკის სახელმწიფო მდივნის, რექს ტილერსონის მიწვევით ვაშინგტონში გლობალური კოალიციის წარმომადგენლები იკრიბებიან. საგარეო საქმეთა მინისტრები სირიასა და ერაყში ისლამური სახელმწიფოს წინააღმდეგ წარმოებულ ოპერაციებს შეაფასებენ და სამომავლოდ, საერთო გეგმის შემუშავებაზე იმსჯელებენ.

შეხვედრაში მონაწილეობს საქართველოს საგარეო უწყების ხელმძღვანელიც. მიხეილ ჯანელიძის განცხადებით, მინიტერიალზე ხელისუფლება კიდევ ერთხელ დაადასტურებს, რომ მზადაა საკუთარი წვლილი შეიტანოს რეგიონში უსაფრთხოებისა და სტაბილურობის განმტკიცებაში.