ორთვიანი პაუზის შემდეგ, დღეს უეფას ჩემპიონთა ლიგის გათამაშება პლე-ოფის ორი შეხვედრით განახლდება.
უდიდეს ინეტერსს იწვევს პარკ დე პრანსზე გასამართი მატჩი, რომელშიც "პარი სენ ჟერმენი" "ბარსელონას" უმასპინძლებს.
ბოლო ოთხ წელიწადში ჩემპიონთა ლიგაზე ეს გუნდები, ერთმანეთს მეოთხედ ხდვებიან, საიდანაც პლეიოფის სტადიაზე მესამედ გადაიკვეთა მათი გზები.
მასპინძლებს ტიაგო მოტა და ტიაგო სილვა დააკლდებიან, ასევე საეჭვოა ხავიერ პასტორეს თამაშიც. რაც შეეხება "ბარსელონას", კატალონელები არდა თურანს და ხავიერ მასკეროანოს მოისაკლისებენ.
პრინციპული შეხვედრის მთავარი არბიტრი პოლონელი სჟიმონ მარცინიაკი იქნება.
დღის მეორე მატჩი ლისაბონში ესტადიო დალუჟზე შედგება, სადაც "ბენფიკა", დორტმუნდის "ბორუსიას" უმასპინძლებს.
აღსანიშნავია, რომ "ბენფიკას" ბოლო ექვს წელიწადში შანსი აქვს მესამედ გავიდეს მეოთხედფინალში. ბორუსი კი, ლიგის პლეიოფს ორწლიანი პაუზის შემდეგ დაუბრუნდა. სტუმარ გუნდს მარიო გიოტცე და სვენ ბენდერი ვერ დაეხმარებიან.
"ბენფიკა"-"დორტმუნდის" შეხვედრას იტალიელ არბიტრთა ბრიგადა განსჯის, მთავარი მსაჯი გამოცდილი ნიკოლა რიცოლი იქნება.
დღევანდელი ორივე თამაში თბილისის დროით 23 საათზე და 45 წუთზე დაიწყება და ორივე მატჩის პირდაპირ რეპორტაჟს საზოგადოებრივი მაუწყებელი შემოგთავაზებთ.