უკვე 5 საათია პარლამენტში საკონსტიტუციო კომისიის სხდომა გრძელდება. სამუშაო ჯგუფი კონსტიტუციის იმ თავებს განიხილავს, რომელიც პარლამენტს და მის საქმიანობას უკავშირდება.
სხდომის დაწყებამდე ოპოზიციამ განაცხადა, რომ აპირებს მსჯელობის გაგრძელებას საარჩევნო კანონმდებლობის მიმართულებით. მათი განმარტებით, მაჟორიტარული სისტემის გაუქმებასთან დაკავშირებით თუ კონსესუსის მიღწევა ვერ მოხერხდა, კომისიის ფორმატში მუშაობა აზრს დაკარგავს.
მმართველ გუნდში კი ამბობენ, რომ საბოლოო პოზიცია აღნიშნულთან დაკავშირებით ჩამოყალიბებული ჯერ არ აქვთ. დღევანდელ სხდომაზე დროებითი საგამოძიებო კომისიის შექმნის საკითხზეც იმსჯელეს.
ვახუშტი მენაბდის ინიციატივით, რომელსაც მხარს კომისიის წევრთა ნაწილი უჭერს, მისი შექმნის უფლებამოსილება უმცირესობის წევრებს უნდა ჰქონდეთ და კომისიის შექმნისათვის საკმარისი უნდა იყოს დეპუტატთა ერთი მეხუთედის მხარდაჭერა.