საზოგადოებრივ მაუწყებელში მიმდინარე პროცესებთან დაკავშირებით, დღეს საქართველოს მედიის პროფესიული კავშირის წევრებს სახალხო დამცველმა მოუსმინა.

პროფკავშირის წევრებმა ომბუდსმენს მაუწყებელში დასაქმებულთა შრომით უფლებებზე დეტალური ინფორმაცია მიაწოდეს. საუბარი შეეხო ტელევიზიის აღმასრულებელი საბჭოს მიერ წარმოდგენილ ხედვას, თანამშრომელთა შრომითი უფლებების დაცვის აუცილებლობას და შესაძლო საფრთხეებსა და გამოწვევებს.

უჩა ნანუაშვილის თქმით, სახალხო დამცველის აპარატი ტელევიზიაში მიმდინარე მოვლენებს აქტიურად დააკვირდება და მომავალში მაუწყებლის სხვა თანამშრომლებსაც შეხვდება.