თებერვალი 16, 2017
106
საზოგადოებრივ მაუწყებელში მიმდინარე პროცესებზე შეხვედრა გაიმართა ომბუდსმენის აპარატშიც.
სახალხო დამცველს მედიის პროფესიული კავშირის წევრები შეხვდნენ. უჩა ნანუაშვილთან საუბრისას ყურადღება მაუწყებელში დასაქმებულთა შრომით უფლებებზე, ახალი მენეჯმენტის მიერ წარმოდგენილ სამოქმედო გეგმაზე გამახვილდა.
ხაზი გაესვა, რომ საზოგადოებრივი მაუწყებლის პირველ და მეორე არხებზე, ასევე რადიო ერთსა და რადიო ორში გადაცემების დიდი ნაწილის შეჩერებამ შესაძლოა თანამშრომლების დიდი ნაწილი სამუშაო ადგილების გარეშე დატოვოს.
ორივე მხარის წარმომადგენლებმა შეხვედრის დასრულების შემდეგ კონსტრუქციული ურთიერთობების გაგრძელების და დასაქმებულთა უფლებების დაცვის აუცილებლობაზე გაამახვილეს ყურადღება.
მაჩვენე მეტი