საზოგადოებრივი მაუწყებლის სამეურვეო საბჭოს წევრები დღეს მორიგ სხდომას გამართავენ, სადაც ისინი მაუწყებლის საქმიანობის შეფასების ჩარჩო-კრიტერიუმებთან დაკავშირებით, მაუწყებლის მენეჯმენტის პოზიციას მოისმენენ.
სსმ-ის სამეურვეო საბჭომ მაუწყებლის საქმიანობის შეფასების ჩარჩო-კრიტერიუმების თაობაზე საკუთარი ხედვა აღმასრულებელ საბჭოს ოფიციალურად 16 თებერვალს გააცნო.
ბორდი მიიჩნევს, რომ მაუწყებლის საქმიანობა ოთხი კრიტერიუმით უნდა შეფასდეს: ხარისხი, წვდომა, ფასეულობა დანახარჯებთან მიმართებით და ზეგავლენა.
აღნიშნული დოკუმენტი გამოქვეყნებულია ვებ-გვერდზე, სადაც საზოგადოების წევრებს შეუძლიათ, გამოთქვან თავიანთი მოსაზრება.
ბორდის წევრის სულხან სალაძის თქმით, მაუწყებლის წარმატების გაზომვა არ უნდა ხდებოდეს მხოლოდ რეიტინგის კრიტერიუმით.
რაც ეხება საბოლოო დოკუმენტს, სამეურვეო საბჭო გადაწყვეტილებას მხოლოდ მას შემდეგ მიიღებს, რაც სამოქალაქო სექტორი და მედიის მიმართულებით დაინტერესებული ჯგუფები თავიანთ მოსაზრებებს წარმოადგენენ.