საქართველოს მორაგბეთა ეროვნული ნაკრები რაგბი ევროპის ჩემპიონატის მეორე ტურის მატჩისთვის ემზადება.

“ბორჯღალოსნები” 19 თებერვალს გერმანიას უმასპინძლებენ. დღეს" შევარდენის" სტადიონზე ნაკრების ვარჯიში გაიმართა.

შეგახსენებთ, რომ პირველ ტურში ჩვენმა ეროვნულმა გუნდმა სტუმრად ბელგია დაამარცხა ანგარიშით 31-6. გერმანიამ კი თავის მხრივ რუმინეთს აჯობა 41-38.

საქართველო-გერმანიის შეხვედრა, რომელიც მერაბ კვირიაშვილისათვის მეასე იქნება ნაკრების შემადგენლობაში, კვირას რუსთავში ჩატარდება.

თამაში სამ საათზე დაიწყება და მას საზოგადოებრივი მაუწყებლის პირველი არხი პირდაპირ ეთერში შემოგთავაზებთ.