საქართველოს მორაგბეთა ნაკრები რაგბი ევროპის ჩემპიონატის მორიგი ტურის შეხვედრისთვის ემზადება. მილტონ ჰეიგის გუნდი რუსეთის ნაკრებს, "დინამო არენაზე" 12 მარტს უმასპინძლებს.

ბორჯღალოსნები აღნიშნული დაპირისპირებისთვის, შევარდენის ბაზაზე ემზადებიან. წინა თამაშებისგან განსხვავებით, ჩვენების შემადგენლობა უფრო ოპტიმალური იქნება.

გუნდს გორგოძე, ჟვანია და ნარიაშვილიც დაემატნენ. ამ დროის მონაცემებით, მატჩზე დასასწრები 37 ათასი ბილეთი უკვე გაყიდულა.

საქართველო-რუსეთის დაპირისპირება კვირას, "დინამო არენაზე" 18 საათზე დაიწყება და მის პირდაპირ ტრანსლაციას საზოგადოებრივი მაუწყებლის პირველი არხი შემოგთავაზებთ.