დღეს, დილით, ნაციონალურ საკალათბურთო ასოციაციაში, ყველა ვარსკვლავის მატჩი გაიმართა.

ნიუ ორლეანში გამართული სამდღიანი შოუ და კანკურსები ტრადიციულად დასავლეთის და აღმოსავლეთის გუნდების შეხვედრით დასრულდა, რომელშიც რამდენიმე რეკორდი მოიხსნა.

თამაში დასავლეთის გუნდმა 192-182 მოიგო, რაც ოლ სტარების ისტორიაში ყველაზე დიდი ანგარიშია, ჯამში 374 ქულა. ყველაზე მეტი, 52 ქულა ნიუ ორლეან პელიკანსის კალათბურთელმა ენტონი დევისმა ჩააგდო, რასაც 10 მოხსნა მიუმატა. ამით დევისმა ლეგენდარული უილტ ჩემბერლენის რეკორდი მოხსნა, რომელმაც 1962 წელს ყველა ვარსკვლავის მატჩში 42 ქულა გააკეთა.

რასელ უესტბრუკის მონაგარმა 41 ქულა შეადგინა. აღმოსავლეთის გუნდში, საუკეთესო, ბერძენი ფორვარდი, გიანის ანტეტუკონმპო გახდა 30 ქულით.

შეხვედრის დასრულებისთანავე ყველაზე სასარგებლო მოთამაშის პრიზი ენტონი დევისს გადაეცა. კალათბურთელები სამი დღე დაისვენებენ, რის შემდეგაც რეგულარული სეზონი გაგრძელდება.