ამერიკული ფინანსური გიგანტის "გოლდმან საქსის" პროგნოზით, მსოფლიოში ნავთობის მოპოვების ლიმიტირების გამო ნავთობის მარაგების შემცირება გაგრძელდება.

მართალია, შეერთებულ შტატებში ისევ მარაგების ზრდა გახლავთ მოსალოდნელი, თუმცა, ამერიკული საინვესტიცო ბანკი ვარაუდობს, რომ შტატების მარაგები ვერ გადაწონის მსოფლიოს დანარჩენი ქვეყნების მარაგების ვარდნას.

ბანკი არ ცვლის ნავთობის ფასის წლიურ პროგნოზს და მიაჩნია, რომ ბრენტის ტიპის ნავთობის ფასი ბარელზე, წლის მეორე კვარტალში, 59-57 დოლარის ფარგლებში იქნება, ხოლო წლის დანარჩენ პერიოდში 57-55 დოლარამდე დავარდება.