თებერვალი 23, 2017
92
ევროპის მაუწყებელთა კავშირის წარმომადგენლების სამუშაო ვიზიტი საქართველოში.
„იბიუს” სუპერვაიზორი ჯონ ოლა სანდი და საერთაშორისო პროექტების მენეჯერი გერტ კარკი თბილისში, საბავშვო ევროვიზიასთან დაკავშირებულ საორგანიზაციო საკითხებზე სასაუბროდ ჩამოვიდნენ.
შეხვედრა გაიმართა საზოგადოებრივი მაუწყებლის წარმომადგენლებთან, მათ შორის პროექტის ხელმძღვანელ სერგი გვარჯალაძესთან და ტურიზმის დეპარტამენტის ხელმძღვანელთან გიორგი ჩოგოვაძესთან.
საუბარი შეეხო თბილისში შოუს ჩატარების საორგანიზაციო და ტექნიკურ საკითხებს.
საბავშვო ევროვიზია 2017-ს თბილისი ნოემბერში უმასპინძლებს. დელეგაცია დღეს იმ ლოკაციებსაც დაათვალიერებს, საიდანაც მოგვიანებით შეირჩევა ის დარბაზი, რომელიც შოუს მასპინძელი იქნება.
მაჩვენე მეტი